Жас мамандарға арналған дөңгелек үстел "Балалар іс-әрекетін жоспарлаудағы кәсіби шеберлік"

11.12.2024 ж.

Модератор – С.Д.Калманбаева

Қатысушылар:

Жуматаева Ж. – жас маман

Кусакаева Д.С. – тәрбиеші

Адилова М.С. – тәрбиеші

Есмагамбетова А.К. – тәрбиеші

Айсина Б.Е. – педагог-психолог

Шаукеева М.Г. – әдіскер

Мақсаты – балалардың қажеттіліктерін ескере отырып, тиімді жоспарлау әдістерін, шығармашылық тәсілдерді және педагогикалық әдіс-тәсілдерді талқылау.

Талқыланатын сұрақтар:

1. Балалар іс-әрекетін жоспарлаудың негізгі принциптері
2. Балабақшада қолданылатын шығармашылық және инновациялық әдістер
3. Жеке және топтық жұмыс тәсілдері

С.Калманбаева

Әр педагог өз жұмысында нәтижеге жету үшін кәсіби маман болуы керек. Біз барлығымыз өз ісіміздің шебері болуы жолында ізденеміз. Кәсіби шеберлік дегенді сіздер қалай түсінесіздер?

Ж.Жуматаева

Кәсіби шеберлік бұл – өз жұмысын жақсы білу, кезкелген жағдайда шешім табу.

Д.Кусакаева

Кәсіби шеберлік бірден пайда болмайды, уақыт өте келеді. Бұл педагогтің теориялық білімі мен іс-тәжірибесінің үйлесуі.

С.Калманбаева

Педагогтің кәсіби шеберлігі — бұл педагогтың білім беру және тәрбиелеу процесінде тиімді жұмыс істеуге, балалардың дамуына және білім алуының жоғары деңгейіне қол жеткізуге мүмкіндік беретін жеке және кәсіби дағдылары мен қасиеттерінің жиынтығы. Бұл шеберлік педагогтың тек білімін ғана емес, сонымен қатар оның шығармашылық, коммуникативтік, ұйымдастырушылық және педагогикалық қабілеттерін қамтиды.

Балалардың іс-әрекетін жоспарлауда сіздер қандай қағидаттарды ұстанасыздар?

М.Шаукеева

Балалар іс-әрекетін жоспарлаудың негізгі принциптері – жас ерекшеліктеріне сәйкес іс-әрекет түрлерін таңдау, балалардың қызығушылықтары мен қабілеттерін ескеру.

Б.Айсина

Тағы бір қағидат – жеке тұлға ретінде дамыту деп айтар едім. Ең алдымен баланы тұлға ретінде қабылдау керек, оның жеке ойын құрметтеу де аса маңызды.

М.Адилова

Қандай іс-әрекет болса да ол қауіпсіз болуы керек.

С.Калманбаева

Сонымен қатар жүйелілік, әлеуметтік өзара әрекеттестік қағидаттарын да ұмытпаған жөн. Сіздер қаншалықты осы қағидаттарды сақтайсыздар?

М.Шаукеева

Баланың қауіпсіздігін қамтамасыз ету, жеке басын сыйлау тәрізді қағидаттар әрине ерекше көңілге ие.

С.Калманбаева

Қазіргі кезде мектеп жасына дейінгі балалардың іс-әрекеттерін ұтымды ұйымдастыру үшін жаңа инновациялық технологияларды қлдану ерекше сұранысқа ие болып отыр. Осыған байланысты «Менің тиімді әдісім» тапсырмасын орындауды ұсынам. Әр қатысушы өз тәжірибесінде қолданатын ең бір қызықты әдісі туралы айтып береді.

Ж.Жуматаева

Мен дене шынықтыруда «Шертпе» ұлттық ойынын ойнатам. Бұл ойын танымдық ойын, балалар қызықты.

Д.Кусакаева

Мен өте жиі «Вертуалды саяхаттарды» қолданамын. Бұл балаларға өздері барып көруге мүмкіндігі жоқ қызықты жерлермен танысуға мүмкіндік береді.

М.Адилова

Мен өз жұмысымда «Театрды» қолданамын. Бірақ, болашақта ересек тобына ауысқанда «Білемін, білгім келеді, білдім» технологиясын қолданғым келеді.

М.Шаукеева

Мен ересек, мектепалды топтарда «Цифрлық сурет салу» қосымшаларын қолдануды ұсынар едім, балалар үшін танымдық, қызықты әдіс.

С.Калманбаева

Өте көп идеялар бар екен. Осы жаңа әдіс-тәсілдерді қолдану ең алдымен неге бағытталады?

М.Адилова

Балаларды қызықтыруға, іс-әрекетті өнімді етуге.

Жеке тапсырма «Менің педагогикалық стилім».

Педагогтер әр қайсы балалармен қарым-қатынас құру стильдерін, осы стильдің ерекшелігін, басқалармен салыстырғанда пайдалы екенін қысқаша жазады.

Топтық тапсырма «Интерактивті ҰІӘ құру»

Қатысушылар түрлі интерактивті әдіс-тәсілдерді қолдану арқылы ҰІӘ жоспарын құрады. Өз жұмысын қорғайды.

С.Калманбаева

Осындай жеке және топтық жұмыстар балалармен де ұйымдастырылуы керек.

Ұсыныс:

1.Балалар іс-әрекетін ұйымдастыруда интерактивті әдіс-тәсілдерді қолдану;

2.Балалардың іс-әрекетін ұйымдастыруда олардың қызығушылықтарын ескеру;

3.Ойын технологиясын қолдану;

4.Балалар іс-әрекетін баға берудің және рефлексия жасаудың әдістерін меңгеру;

5.Балаларды іс-әрекетке жұмылдыруда жас ерекшеліктерін ескеру.