«Цифрлық әлем»

Тақырыбы: «Цифрлық әлем»
Білім беру саласы: Коммуникация, Таным, Шығармашылық
Мақсаты:
Балалардың цифрлық технологиялар туралы түсінігін кеңейту, заманауи құрылғыларды тануға, дұрыс қолдануға үйрету. Логикалық ойлау, танымдық белсенділік пен шығармашылық қабілеттерін дамыту.

Көрнекіліктер:

• Цифрлық құрылғылардың суреттері (телефон, ноутбук, робот, планшет және т.б.)
• Интерактивті тақта немесе смарт-проектор
• Пазлдар, QR-кодтар
• Плакаттар, мультимедиялық слайд
• Үлестірмелі материалдар: суреттер, стикерлер, тапсырмалар

ҰОҚ барысы:

I. Ұйымдастыру кезеңі (Мотивациялық):

Тәрбиеші:
– Сәлеметсіңдер ме, балалар! Бүгін біз өте қызықты әлемге – Цифрлық әлемге саяхат жасаймыз!
– Балалар, сендер күнделікті қандай құрылғыларды қолданасыңдар? (Балалардың жауаптары: телефон, теледидар, планшет, т.б.)

Музыкалық сергіту сәті: "Біз - болашақ баламыз!" әні

II. Негізгі бөлім:

Тақырыпты ашу:
– Балалар, цифрлық құрылғылар адам өмірін қалай жеңілдетеді деп ойлайсыңдар?
– Мысалы: компьютер арқылы білім аламыз, телефонмен сөйлесеміз, робот шаңсорғыш үйді тазартады т.б.

Видеоролик көрсету: «Цифрлық құрылғылар қалай жұмыс істейді?» (2-3 минуттық қысқа мультфильм)

Ойын: "Құрылғыны тап!"
Тәрбиеші әртүрлі құрылғыны сипаттайды, балалар сол құрылғыны суреттен немесе шынайы заттан көрсетеді.
Мысалы: "Бұл құрылғы арқылы сөйлесеміз, видео қараймыз, ол қалтаңа сыйып кетеді." (Жауап: телефон)

оптық жұмыс:
«Цифрлық пазл» жинау – әр топқа цифрлық құрылғының бөлшектелген суреті беріледі, оны құрастырады және оның не екенін айтып береді.

QR-код ойыны:
Интерактивті тақтада QR-кодтар жасырылған. Әр кодтың астында тапсырма: "Компьютер не үшін керек?", "Цифрлық құрылғымен қалай қауіпсіз ойнауға болады?" т.б.

Шығармашылық тапсырма:
Балалар "Менің арманымдағы цифрлық құрылғы" тақырыбында сурет салады.

II. Қорытынды бөлім:

Сұрақ-жауап:
– Бүгін не үйрендік?
– Қандай құрылғылармен таныстық?
– Цифрлық құрылғыларды дұрыс қолдану не үшін маңызды?

Бағалау:
"Смайликпен бағалау" – балалар өз көңіл-күйін смайлик арқылы көрсетеді.

Күтілетін нәтижелер:

• Біледі: Цифрлық құрылғылардың атауларын (телефон, планшет, компьютер, робот, интерактивті тақта және т.б.), олардың қолданылу мақсатын.
• Түсінеді: Цифрлық құрылғылардың адам өмірін жеңілдететіні туралы.
• Қолданады: Қарапайым цифрлық құрылғыларды тану, олармен қауіпсіз жұмыс істеу ережелерін сақтау.

Тәрбиеші: Шаукеева М.Г.