Ата-аналарға ұсыным : Құрт ауруы және оның алдын алу

медбике – Ф.И.Мухамеджанова

Құрт ауруы дегеніміз не?

Құрт ауруы – ағзаға әртүрлі паразит құрттардың (гельминттердің) түсуінен пайда болатын жұқпалы ауру. Бұл ауру көбіне мектеп жасына дейінгі балаларда кездеседі, себебі балалар ойын кезінде қолын жиі аузына салады және тазалық ережелерін әрдайым сақтай бермейді.

Аурудың негізгі белгілері.

Балаларда құрт ауруының келесі белгілері байқалуы мүмкін:

• тәбеттің төмендеуі немесе керісінше шамадан тыс аштық
• іштің ауыруы
• жүрек айну
• әлсіздік, тез шаршау
• түнде мазасыз ұйқы
• аналь аймағында қышу
• салмақтың азаюы

Егер осы белгілер байқалса, міндетті түрде дәрігерге қаралу қажет.

Құрт ауруының жұғу жолдары.

Құрттар көбінесе келесі жағдайларда жұғады:

• жуылмаған қол арқылы
• жуылмаған көкөніс пен жеміс-жидектер арқылы
• лас ойыншықтар арқылы
• үй жануарларымен ойнағаннан кейін
• таза емес су ішу арқылы

Ата-аналарға ұсыныстар (алдын алу жолдары).

Құрт ауруының алдын алу үшін ата-аналар мына ережелерді сақтау керек:

• Баланы тамақтанар алдында және далада ойнағаннан кейін қолын сабынмен жууға үйрету.
• Көкөніс пен жемістерді жақсылап жуу.
• Баланың тырнағын қысқа әрі таза ұстау.
• Баланың ойыншықтарын үнемі жуып, тазалап тұру.
• Жеке гигиена заттарын (сүлгі, тарақ) бөлек пайдалану.
• Үй жануарларына уақытында ветеринарлық тексеру жүргізу.
• Баланың іш киімін күн сайын ауыстыру.

Құрт ауруының алдын алудың ең тиімді жолы – жеке бас гигиенасын сақтау. Ата-аналар балаларына тазалықты үйретіп, гигиеналық әдеттерді күнделікті өмірде қалыптастыруы керек. Бұл баланың денсаулығын сақтауға көмектеседі.