ҰОҚ "Шынықсаң шымыр боласың"

Тақырыбы: Шынықсаң-шымыр боларсың.

Мақсаты:

1.Білімділік:Балалардың дене бітімдерінің дұрыс қалыптасуына, қан айналымының жақсартуына, көздерін дем алтуға, балалардың арқалары, қолдарындағы, табандарындағы нүктелерді оятуға арналған жаттығуларды жасату.

2.Дамытушылық: Суық тиюге және майтабанға қарсы жаттығулар жасау арқылы балалардың денсаулығын нығайту, дене сымбатын жетілдіру, қимыл - қозғалыс дағдыларын дамыту.

3.Тәрбиелілік:Балалардың көңіл - күйін көтеру, мәдени - гигиеналық талаптарды орындау, тазалыққа, ұқыптылыққа тәрбиелеу.                                                                 Керекті құралдар: Жыл мезгіліндегі ойындар суреттері,массажды кілемшелер, әр балаға доптар, тарақтар, түтікшелер.                                                                                                                                  Әдіс - тәсілдер: ойын әдісі, сұрақ - жауап.
 

Оқу қызмет барысы:                                                                                                             Тәрбиеші: Балалар қараңдаршы бізге бүгінгі ұйымдастырылған оқу іс-қызметіне қонақтар келіп қалыпты.Балалар ортаға шаттық шеңбер жасап бір-бірімізбен қонақтарымызбен амандасайық.                                                                             

Армысың алтын күн,                                                                                                   Армысың жер ана,                                                                                                       Армысың көк аспан,                                                                                                         Армысың достарым,                                                                                                         Армысыздар қонақтар. Жарайсыңдар.Рахмет.                                                                          Ал енді балалар бүгінгі ұйымдастырылған оқу іс-қызметіміздіңдің тақырыбы: «Шынықсаң шымыр боларсың». Балалар шынығу дегенді қалай түсінеміз?   

Денені жаттықтырудың бір түрі- шынығу.Денені шынықтыру біздің денсаулығымызды нығайтады.
   Балалар « Бірінші байлық денсаулық» Денсаулық адамның ең қымбат дүниесі. Сондықтан біз денсаулығымызды нығайту үшін спортпен айналысып денемізді шынықтыруымыз керек.

      Әр жыл мезгілдерінде әр түрлі жаттығулармен, ойындармен шынығамыз,қыста шанамен,шаңғымен, конькимен сырғанаймыз,көктем,күз мезгілдерінде далада жүгіріп әр түрлі ойындар ойнаймыз, қуыспақ ойынын ойнаймыз,жазда көлдерге,бассейіндерге суға жүземіз, фудболдар, доппен әр түрлі ойындар ойнаймыз,осылай денемізді шынықтырамыз.Сол сияқты денені шынықтырудың әр түрлері бар.

   Балалар біз таңертең балабақшаға келгенде не жасаймыз- күнделікті танертеңгі жаттығу жасаймыз ия, далаға таза ауаға серуенге шығамыз ,дене шынықтыру сабағына барамыз,әр түрлі қимылды ойындар ойнаймыз,түскі ұйқыдан кейінгі гимнастикалық жаттығулар жасаймыз,тұзды жолдармен өтеміз,әр түрлі құралдармен массаж жасаймыз, күнделікті қимыл қозғалысымыздың бәрі денемізді шынықтырады.                                                                                                                      Ал енді балалар түскі ұйқыдан кейінгі сауықтыру-шынықтыру шараларын көрсетейік.Ең бірінші төсек үсті жаттығуларын жасаймыз өйткені ұйқымызды ашып сергек болу үшін.Ұйқы ашар жаттығулары.

  I. Төсек үсті жаттығулары.
Ұйқы ашар жаттығуларын жасауға қызығушылығын арттыру, қимылдық іскерліктерін жақсартуға тырысу, оларды дұрыс және дәл орындай білуге үйрету. Балалардың жалпы физиологиялық жетілуін жақсарту, қимыл қозғалыс арқылы биологиялық қажеттілігін қанағаттандыру, жағымды эмоцияналды көңіл күй ортасын жасау.
1.Оянужаттығу.                                                                                                          – Күннің көзі шықты балалар!                                                                                                                         - «Оянады көздері!»- Қабақты сипаймыз.                                                                    -«Оянады, құлақтар!» - құлақты сипаймыз,
 - «Оянады, қолдары!» -қолдарын сипайды.                                                                        Оң қолды көтереміз ойнатамыз саусақты,                                                                                    Сол қолды көтереміз ойнатамыз саусақты, (кезек-кезек көтереміз 2-рет.)       .                                                                                                                   -«Оянады, аяғы!» - (аяқты созып бармақтарын қозғалту,оң аяқты ұшына дейін көтереміз созамыз,түсіреміз,сол аяғымызды ұшына көтереміз созамыз, түсіреміз.3-4 рет).                                                                                                                       -Созыламыз өсеміз.(-Саусақтар амандасады, массаж жасаймыз –қолды жуамыз).                                                                                                                            Бұрыламыз оңға бір,                                                                                                Бұрыламыз солға бір,                                                                                                     Бір-бірімізге қараймыз ояндықпа бәріміз?  Жарайсыңдар балалар.                                                                   
2.Велосипед жаттығуы.Ал «Кім жылдам»  ойынын ойнайық. Ал балалар жазда далаға шығып велосипед тебеміз  есімізге түсірейікші қалай тебеміз тез,аяқтарымыз шаршаса ақырын-баяу тебеміз,қайтадан тез тебеміз (қол мен аяқты жоғары көтеріп  аяқты кезекпен сермеу).
3.Ал балалар  келесі ойынымыз бар.Ойынның аты «Қыс мезгілі мен жаз мезгілі».Қыс деп айтқанда екі тіземізді құшақтаймыз да оңға, солға бұрыламыз..Жаз мезгілі деп айтқанда аяқ қолымызды созамызда жайлы жатамыз. (қыс мезгілінде күн суық аяз болады, жаз мезгілінде жылы ыстық болады).                                                                                                                                        4. Орнымызға отырып аяқтарымызды айқастырып,қолымызды тіземізге қойып оңға солға қайықтай көлде шайқаламыз 2-3рет.                                                                                                                          Ал балалар енді кедір-бұдыр, құмды, тасты,массажды,тұзды жолмен жүреміз.                                                                                 Бұл массажды кілемшелер біздің табанымызға массаж жасайды,қараңдаршы табанымызда әр түрлі нүктелер бар ол нүктелер арқылы массажды жолдармен өтсек массаж жасайды, сол арқылы ішкі құрылысымыз,қан айналымымызды жақсартамыз,майтабанның алдын алу үшін пайдалы.Бізге темір жол бекетінде поезд келіп тұр екен.Ол үшін біз поезбен баруымыз керек.Поезд қандай дыбыс шығарады гук –чук-чук-чук.Қанекей жүрейік бәріміз..                                                          

II.Кедір - бұдыр жолдармен жүріп отыр. Табанға массаж - өте тиімді пайдалы денені шынықтырудың түрі. Бұл табан бөлігіндегі активті нүктелерге қалыптасу үшін керек, майтабанның алдын алу үшін пайдалы.
Құмды, тасты, сулы жерлермен жүріп өту. Әр түрлі кедергілері бар кілемшелерді басып жүру.                                                                                                  

Шынықтыру шарасы.

Әдемі ирек жолдармен                                                                                              
Тастан-тасқа секіріп
Жалаң аяқ жүреміз.
Табанға біз нүктелі
Массаж жасау білеміз. Жарайсыңдар.
III. Жалпы дене жаттығулары.
Жалпы денеге арналған жаттығу - балалардың денсаулығын нығайтып, дене бітімін жақсы қалыптастырады.
1) Түлкі секілді денемізді тік ұстап қолымыз жанымызда  аяқтың ұшымен жүреміз,өкшемізбен жүреміз,тіземізді көтеріп жүреміз.                                     2) Сапқа тұрып арқамызды  тік ұстап, түзу тұрып екі қолымызды артымызда бір-біріне кілттеп ұстаймыз,алға еңкейеміз,артқа шалқайамыз,оңға солға еңкейеміз.                                                                                                                                                Еңкейемін алға мен,                                                                                           Түзу тұрамында шалқайамын.                                                                                     Бұрыламын оңға бір,                                                                                                  Бұрыламын солға бір, 2-4 рет                                                                                                Мен денемді тік ұстап                                                                                                             Отырамында тұрамын.                                                                                                           Оңға бір еңкейем,                                                                                                               Солға бір еңкейем.                                                                                                                         Тік түзу болды менің денем.                                                                                                      

IV. Нүктелі массаж.
Суық тиюге және тұмауға қарсы жаттығулар жасау арқылы балалардың денсаулығын нығайту, дене сымбатын жетілдіру, қимыл - қозғалыс дағдыларын дамыту.                                                                                                              А) Алақанымызды уқалап жылытамыз.Жылыған алақанымызбен бетімізді сипаймыз.Тамағымыз ауырмау үшін, қолымызбен тамағымызды жоғары - төмен уқалаймыз.
Б) Түшкіріп, тұмауратпау үшін, нұсқаушы саусағымызбен танауымыздың екі жағын кезектеп үйкейміз.
В) Қолымызды маңдайымызға қойып уқалаймыз.
Г) Құлағымызда ауырмау үшін, нұсқаушы және ортаңғы саусағымызбен құлағымызды алдынан және артынан уқалаймыз.                                                             Д) Алақанға арналған «Кірпі» жаттығуы. Тікенек допты алақанға салып,табанымызға айналдыру.
Е)Тарақпен денемізге массаж жасау.(қолдарымызға,ішімізге,аяқтарымызға).
Керемет балалар, бізге ешқандай суық тию кедергі болмайды (алақанын уқалау).                                                                                                                                     

V. Тыныс алу жаттығулары
Тыныс алу жаттығулары өкпенің жұмысын жетілдіріп, қан айналымын жақсартады. (үрлеу әдісі)

А)Орнымыздан тұрамызда аяқтың ұшын көтеріп қолымызды созып мұрнымызбен демаламызда аузымызбен шығарамыз. (ым-ах,ым-ах).                                                                                                                    Б)Үлкен шар үрлейік ия қолдарымыздан ұстап кішкентай шеңберден аузымызбен үрлеймізде үлкен шеңбер жасаймыз.                                        В)Түтікшемен үрлейік. Жарайсыңдар.                                                                                            Қорытынды:Балалар бүгінгі оқу іс-қызметінде қандай шынықтыру шараларын жасадық? Төсек үстінде велосипед тептік, сосын тұзды жолдармен өттік, нүктелі массаждар жасадық,тыныс алу жаттығуларын жасадық. Бүның бәрін не үшін жасаймыз денсаулығымызды жақсарту үшін.Жарайсыңдар балалар.Рахмет.